مدونة عبد الله كريشانبحث

عصامي…

عبد الله حامد كريشان
رسم تعبيري لخاطرة «عصامي…»

يابا… يا بنيي… يا حبيبي كلنا فرحانين لك… الحمد لله انك تخرجت… ومن أحسن جامعة وتخصصك مطلوب وتقديرك ممتاز… وشخصيتك قوية… والكل بشهدلك… وعندك لغات… وعندك شهادات تقدير… وطورت حالك واخذت دورات اشكال وألوان ومثل ما بطلب السوق… بس يابا يا حبيبي… مثل ما انت شايف كل ما بتقدم لوظيفة ما بوافقوا عليك.صارلك على هالشغلة أكثر من سنتين… واذا بتظل متمسك في رايك بجوز تكمل العشرة… ويمكن أكثر… صح يابا ان الرزق من رب العالمين. والحمد لله كلنا مؤمنين في هالشي… لكن وضع هالبلد بجبرك غصب عنك تروح لزيد… وتروح لعبيد… اذا الناس لما تروح تطلع هوية في هالبلد بتجيب واسطة… وانت ما بدك اي مخلوق يتدخل لوظيفتك… .شفت كم مرة طلبوا تخصصك وكم مرة طلبوك تقابل… وكل مرة تقول ان لجان المقابلة انبسطوا منك وانك عجبتهم كثير. لكن دايما النتيجة انك ما بتتوظف… وبتروح الوظيفة لغيرك…!!

صح يا بنيي أنا معك… وتاكد اني مبسوط منك… وعاجبني كثير انك تكون هيك… عصامي… وبدك الناس يقدروك بس لعلمك ولشخصك ولكفاءتك… بس صدقني يابنيي اني صرت اشفق عليك… وخايف يابا يصير عندك ردة فعل عكسية تكرهك في بلدك… وتكرهك في ناسك…

…(بعد مرور كم يوم)…

أبشرك يابا… أبشرك يمه… أبشركوا… ربنا وفقني… ربنا جابها من عنده… وبدون واسطة… ربنا عوضني… توظفت يابا والحمد لله في اكبر شركة في البلد… وبراتب عالي كثير… الحمد لله يابا… الحمد لله بمه… وهذي سجدة شكر… لله…

قراءة المنشور الأصلي على فيسبوك