مدونة عبد الله كريشانبحث

بضائع أردنية

عبد الله حامد كريشان
رسم تعبيري لخاطرة «بضائع أردنية»

مجنون انت؟! ولا أهبل؟! يعني اذا شايفني معترض على شغله… أو منقهر من اللي بشوفه… أو بسب على فاسد… أو بتكلم عن فساد… أو بتحسر على الوضع… أو خايف من اللي بدو بجي…!! يعني معناتو أنا ما بحب الأردن؟! من عقلك؟! غلطان يا حبيبي… اقولك شغلة حتى اقربها بس شوي لعقلك… كنا واحنا طلاب خارج الأردن لما مين ما يكون بجيب سيرة الأردن أو الملك أو حتى اي مسؤول بكلمة هيك ولا هيك نسوي مذابح… ويجيبونا مرات من المغافر… كمان ازيدك من الشعر بيت… في الغربة كان بس يجي اسم الأردن حتى لو خبر في التلفزيون ننتعش كانك معطينا كنز… كمان واهم من هذا كله… في الغربة ما في شرق وغرب وشمال وجنوب… في الغربة كان ابن يافا وابن حيفا وابن القدس وابن الخليل وابن معان وابن السلط وابن اربد… كل هذول كان اسمهم الأردن… كنا في الغربة لما نشم ريحة الصابون النابلسي… في دكان أو في سوبر ماركت ما نحب نطلع منه… نقول ريحة بلادي… ولما كانوا يحكوا انه في بضايع اردنية في المحل الفلاني… زيت زيتون… سمنة بلدية… زعتر… حبة سمرا… لبن جميد… غيره… ما تلاقي في المحل محل رجل من الزحمة… كلهم بهجموا… ومثل ما بقولوا… من شتى المنابت والاصول… لا عنصرية ولا زفت… هذي جديد طلعولنا فيها العنصرية… الله لا يوفقهم… عيال الحرام بس… وبقولك بعضهم كان يجي للمحل من مسافات ومسافات بس حتى يشم ريحة الأردن… أو بقرا اسمها… والله يا رجل كنا لما نشوف نمرة سيارة مكتوب عليها الأردن مثل نمر شاحنات نقل الخضرة الثلاجات… كنا نطير من الفرح… زي ما يكون الواحد فينا شايف امه أو ابوه أو ابنه بعد غياب سنين…

الأردن في قلوبنا ودمنا وعقولنا

(هذي الأردن ما نببعها بالرخيص… مثل الحواهر غاليات اثمانها)

(وفلسطين العربية… تنخا شباب العروبة)

هيك تربينا

قراءة المنشور الأصلي على فيسبوك