مدونة عبد الله كريشانبحث

سلفانا

عبد الله حامد كريشان
رسم تعبيري لخاطرة «سلفانا»

اليوم ثاني أيام عيد الفطر… ومرة ثانية مبارك عيدكم وعساكم من عواده… وان شاء الله العيد الجاي وانتم جميعا بخير وبصحة وعافية… وتكون كل أمانيكم تحققت وكل همومكم زالت… في العيد هالأيام ينعم الصغار والكبار مع فرحة العيد بالتلذذ بأنواع لا تحصى من الشوكلاطات والحلويات… اشي سمير اميس واشي زمبركجي واشي زلاطيمو… و… و… لكن يا جماعة… يا ختيارية اكيد بعدكم مثلي بتتذكروا طعم السلفانا مع حبة اللوز اللي في وسطها… مرات واحنا زغار كان الواحد فينا بقطع احلى لعبة عشان يلاقي امه وهي مروحة من زيارة الجارات حتى يوخذ منها حبة السلفانا قبل ما تدخل البيت ويوخذها غيره… ومرات بفوز بحبتين…

كثير كانت تقع كوارث عائلية بسبب السلفانا

… مثلا كانت الام تخبي بكيت السلفانا في الخزانة مثل ما بتخبي الذهب في رجل التخت… والام بين فترة وفترة (بتشيك) بتفتح الخزانة وبتتطمن لما تشوف البيكيت في مكانه ما تحرك… لكن الكارثة لما ييجي عندها نسوان وتجيب البكيت بدها تضيفهن… بطلع البكيت فاضي ولا حبة… كيف؟ كانت حبات السلفانا يتم سرقتها وتنسحب من البكيت حبة حبة وبمهارة فائقة… من خزق خلفي خفي…

يا عمي السلفانا بتستاهل

قراءة المنشور الأصلي على فيسبوك