أنواع ومعاني زوامير السيارات عندنا

بييب أو طووط، زامور عادي، يعني انتبه أو زيح غاد من الطريق. بيب بيب أو طط طط، زامورين قصار ورا بعض، يعني مرحبا كيفك لواحد واقف في الشارع أو لسيارة بعرف اللي فيها. بييب بيييب بيب بيب بيييب… زامور بدون انقطاع لمسيرات العرس وفوز النادي قبل شوي بالمباراه وللتخرج من الجامعات وللناجحين في التوجيهي، الله ينجح كل أولادكم وبناتكم وقرايبكم وحبايبكم… بييييييب طويلة شوي مع خبطه بالكف على الاستيرينغ لسيارة مرت قدامه والطريق مش الها… معناه: مالك منعمي؟ فتح عيونك الطريق مش الك… بييييييييييييييييييييييييييييييب طويلة كثير مع ايد بتلوح بعصبية وراس طالع من الشباك وصوت بجعر لسيارة سكرت عليه الطريق وقربت تخبطه… معنى هالزامور: هيك وهيك البعيد للي جابك… وللي أعطاك الرخصة… مسبه من النوع الثقيل وبجوز تتطور… لأكثر من هيك.
أما طووووووووووووووووط زامور هوى متصل بخزق الاذان لكم راس تريلا بزمروا مع بعض وماشين بعرض الشارع مع طخ من الشبابيك… يعني مرشحنا نجح في الانتخابات ما ناس يمر قدامنا والشارع مغلق…