في الإعادة إفادة - الحلقة 5

«من يعلق الجرس؟»
قال (الوزير) لمن يجلس معه على الطاولة:يا اخوان شو هالزحام!! صارلي ساعتين طالع من البيت اﻻن وصلت!!!
رد (العين) الذي يجلس بجانبه:صدقت معاليك (ومش بس زحام) كمان اخﻻقيات المرور بالحضيض!!
قال (نائب) يجلس معهم: كلو الكنافة قبل ما تبرد… شو احنا في صالة افراح وﻻ تحت القبة؟!!
تدخل احد الجلوس قائﻻ (واظنه مدير عام متقاعد):
ﻻ يا اخوان خلينا نتكلم ونفش غلنا… أنا كمان بدي ازيدكم من الشعر ابيات (مش بس بيت) شوفوا مستوى التعليم لوين صار؟! شوفوا طوابير العاطلين عن العمل؟!… شوفوا الغﻻء الفاحش شوفوا التﻻعب باﻻسعار كيف… ولا تنسوا تتذكروا مستوى دخل اناس… عامة الناس قديش؟!…
شوفوا المشاكل اﻻجتماعية… اكتظاظ المحاكم… نسبة الطﻻق؟! شوفوا مشاكل العمالة الوافدة؟! شوفوا الفساد والمحسوبية والواسطة؟!… شو تشوفوا لما تشوفوا…!!!
قلت لصديقي وكنا نجلس على الطاولة المﻻصقة:
الحمد لله هؤﻻء هم كبار المسؤولين يعرفون كل مشاكلنا ويتحدثون بها مثلنا تماما!!
قال صديقي؛ اااااااخ بس .يا صديقي… كلامك صحيح
لكن
(من يعلق الجرس؟!!)