دلفري

تنجرة (طنجرة) كحيانه مصدية لقاها فقير مغبر عايف حاله عاطل باطل ما بشتغل صارله مدة… كان اله قريب غني كل ما بروح عنده يطلب منه مساعدة مرت قريبه بتنادي جوزها وبتقول اوعك تعطيه هذا ما بنعطى وجه… وفي يوم المسكين وهو راجع مكسوف من عند قريبه لقى التنجرة، من فرحته فيها ظل ينظفها ويمسحها، وهو بلمع فيها قال اااخ لو انها مليانة كبسة كان تغدينا، لما فتحها الا هالكبسة تقول من مطعم باب اليمن السعيد، ركض عالبيت وتغدا هو ومرته وعياله وانبسطوا، صار بدو يشرح لأولاده عنها قال اذا بسكرها في غطاها وبقول محشي لما بفتحها بلاقي محشي من الاخر وتحته لحمة وبالفعل طلعت مليانه محشي… ثاني يوم بعد الغدا قعد هو ومرته وعياله حولها وغطاها وقال بدنا كنافه مثل كنافة حبيبة اللي في وسط البلد، فتح لقاها ساخنه بتهبي تهبي… اليوم اللي بعده قال بدنا بخاري لحم (يعني مثل قدرة) لما فتحها ريحة البهارات والبخاري وصلت للشارع، أكلوا وانبسطوا… بغسلها وبرجع يسكرها ويقول فواكه مشكله… وعلى هالحال… بينت عليهم النعمة.صاروا يبيعوا اكل وفواكه وطبايخ للجيران ويوصلوا دلفري كمان،… شكت الماخوذي مرت قريبه في الموضوع… تلصلصت… لما عرفت سولافة التنجرة… سرقتها… لكن ما بتعرف سر التنجرة وانها ما بتتجاوب غير مع صاحبها الفقير المغبر، المهم المره الشريرة جمعت جوزها وعيالها وسكرت الباب وقالت تعالو شوفوا شو جبتلكوا… غطت التنجرة وقالت بدنا منسف… لما فتحتها، عينك ما تشوف الا النور… طلعن من التنجرة خزرانتين مفنشات من مبارح في زيت… وظلن ينسفن على راسها وعلى جنابها… ليش تسرق التنجرة… وهي بتصرخ وبتقول خلص خلص… ما بدي… ما بدي… برجعها…