في الإعادة افادة حلقة 7

«ماسينجر»
- مرحبا فراشة
- عفوا مين معي؟
- أنا الفارس الصياد… احنا أصدقاء عالفيس
- اه… اهلين… بس انت كثير ازعجتني كل يوم عشرين طلب صداقة!!!
- أنا بحب الفراشات كثير
- وأنا بخاف من الصيادين كثيير
- لا… لا تخافي… أنا كثييير مرتب
- نعم… تفضل شو بدك؟!
- شكلك زعلانة ومتضايقة؟!
- بصراحة اه… متضايقة… اشي بضايق فعلا
- طيب ليش تقبلي صداقتي ما دامك متضايقة؟!!
- بصراحة بدي اشوف ليش هالاصرار عندك… وكمان شفت اصدقاءك كلهم بنات صار عندي فضول…
- طيب ممكن نتعرف أكثر؟
- شو بدك تعرف؟
- بدي اعرف اسمك الحقيقي
- شو بدك باسمي الحقيقي؟
- بصراحة خايف تكوني دبور مش فراشة…
- دبور يقرصك ان شاء الله… وانا شو عرفني انك فارس… يمكن تكون نعجة…
- طيب ممكن اسمع صوتك
- اه ممكن… هاي صوتي اسمع
- بس هذا صوت فيروز بتغني!!
- أنا صوتي مثل صوت فيروز
- لا انت بتتخوثي علي وبتضحكي علي…
- لا ما بتخوث… حتى قوم افتح باب بيتك بتلاقيني عالباب…
- شوووو؟!! (يسمع طرقا شديدا على الباب)
- ميبين؟ (بصوت خائف مرتجف)
- افتح يا حبيبي احنا الفراشة… احنا البحث الجنائي قسم الجرائم الالكترونية… صارلنا شهرين بنراقبك… حضرتك مش مخلي ولا اسم مؤنث عالفيس الا شابك معه… وبتلاحقه… وقعت يا دنجوان…
- بس أنا…
- اخرس ولا كلمة… خذوه