مدونة عبد الله كريشانبحث

عيالهم قرود

عبد الله حامد كريشان
رسم تعبيري لخاطرة «عيالهم قرود»

— يا بنت الحلال وحدي الله، شو مالك…! معصبة ومكشرة وعيونك حمر شكلك مصيحة كمان… اهدي شوي… ما صار شي… كل هذا عشان كان عندك ضيوف؟! بعدين خلص راحوا

— لا… أنا مش زعلانه من الضيوف بالعكس أنا بحب الضيوف ومثل ما قالوا الضيف ضيف الرحمن… وانت بتعرف اني بحب الضيوف وبحب الناس بس هذول عيالهم مش أوادم هذول قرود وعفاريت… والكبار زي ما انت شفت آخر طناش… وأمهم هذي ام 44 مبسوطة عالاخر شكلها هي مسلطيتهم علي… بعدين احنا ما عندنا اطفال ليش بجيبوا قرودهم… بالله عليك تعال شوف كيف خلوا البيت… سفلاني علياني… كنادرهم كلها طين دخلوا فيها على السجاد وطلعوا فيها على الكنبايات حتى على طاولة السفرة طلعوا… كان جاي ع بالي اخنقهم… ما خلوا منظر في مكانه وما خلوا زاوية في البيت الا وسخوها. حتى قواوير الزريعة قلبوها… شو هالعيلة المحترمة… كأنهم متعمدين ما يزورونا الا بعد ما نظفت البيت وعزلته… يا قاعدين يكفيكوا شر الجايين…

— خلص يا بنت الناس… اهدي واذكري الله… وبعدين ولا يهمك بكرا ان شاء الله بجيبلك بدل الخدامة ثنتين يساعدوكي… قومي الحين سويلنا عشا

قراءة المنشور الأصلي على فيسبوك