مدونة عبد الله كريشانبحث

ألو

عبد الله حامد كريشان
رسم تعبيري لخاطرة «ألو»

المتصل 1: ألو… مرحبا دكتور… أنا المدير العام فلان…

الدكتور: حياك الله عطوفتك… تفضل…

المتصل 1: بخصوص الطالب (س) يا ريت تساعده

الدكتور: بس هذا طالب دكتوراه! كيف أساعده؟!

المتصل 1: يعني تنجحه يا دكتور عشان خاطري… وضعه تعبان… وحط كل ما يملك عشان الدكتوراه…

الدكتور: لا حول ولا قوة الا بالله

المتصل 2: ألو… مرحبا دكتور… أنا أمين عام وزارة…

الدكتور: مرحبتين سعادتك… تفضل سعادتك…

المتصل 2: بخصوص الطالب (س) بدنا يا دكتور تمشي أموره وتنجحه…

الدكتور: سعادتك… اتصلوا عشانه كثير مثلك وشرواك لنفس الموضوع… هو شكله واصل وبعرف كل المسؤولين… لكن سعادتك هذا طالب دكتوراه…

المتصل 2: وإذا يعني دكتوراه… بظل اسمه طالب ولازم نساعده… وحالته المادية على الله…

الدكتور: استغفر الله العظيم وأتوب اليه…

المتصل 3: ألو… مرحبا دكتور… أنا وزير…

الدكتور: أهلا… أهلا معاليك… خير معاليك

المتصل 3: بخصوص الطالب (س) يا دكتور نجاحه متوقف عليك… وبدي اترجاك

الدكتور: العفو معاليك العفو… بس هذا الطالب ما بستحق النجاح… واذا بنجح اكيد مع كل هالمعارف رح يستلم مسؤولية ومنصب حساس… أو عالاقل يدرس اولادكم…

المتصل 3: يا دكتور مشيها… ترى كل الدكاترة زملاءك نجحوه… باقي بس انت…

الدكتور: إنا لله وإنا إليه راجعون

المتصل 4: ألووووو…

الدكتور: يا لطيف… يا ستار استر… مين ظل ما اتصل!!… وين كشف العلامات يا ناس؟… بسرعة خليني اخلص… شكلو .ما فيش فايدة…!!!!

قراءة المنشور الأصلي على فيسبوك