… غير أمك

- مرحبا يمه كيف حالك؟
— الحمد لله بخير. مالك؟ وجهك مو مزبوط…
— ما في شي يمه أنا بخير الحمد لله
— الحمد لله دايما بس قولي شو مالك؟
— والله ما في شي يمه. أنا مو حاس شي…
— انت مو حاس، بس اني حاسه
— شو حاسه؟
— انك يا مريض يا متنكد
— لا تشغلي بالك يمه هي أنا قدامك ما فيي شي
— وانت زغير ما كنت تخبي علي لما اسالك تقول على طول، الحين ما بتقول وبتخبي
— لا يمه كيف اخبي عليك بس صدقيني أنا نفسي ما بعرف شو مالي، انت بس ادعيلي
— الله يرضى عليك ويفرج همك
— امين يمه الله يسمع منك، وربنا يطول بعمرك
بعد ما شربت عندها احلى كاسة شاي ودعتها وتقريبا وصلت الحوش وانا سامعها بتدعي
— ربنا يوفقكوا… ربنا يطول اعماركوا… ربنا يرزقكوا ذرى وذريه ومال يسرح في البريه… ربنا يحاجي عليكوا… ويا رب اموت وما أذوق حسرتكوا…
وانا بشغل السياره قلت في نفسي صح لسان من قال
(ما بفهم همك غير امك)
الله يرحمك يمه