جاي ع بالي… يعني مشتهي

جاي ع بالي كم رغيف طابون من قمح اصلي والطابون من طوابين زمان ابو رضاف… والخبز يكون مقحمش يعني مقرمش وينحط الفطور على الأرض في الحوش على طبلية أو مشمع سفرة وعليه صحون زبده بلدية زبدة السنة من عند الطنايب وصحون حلاوة الخروف مخلوطة مع سمنة بلدية سمنة نعيمات أو سمنة كركية من عند دعديس أو من عند أحمد بلح وصحون بيض مقلي بالزبدة والبيض جايبينه الحين من عند الجاجات وصحون حمص عليه لحمة بلدية مفرومة مع صنوبر مقلية بسمن بلدي وقلاية بندورة ولحمة، أكلة الوالد الله يرحمه… وصحون زيتون مغرق بالزيت الاصلي وجبنة بيضا مغلية وبطاطا مقلية وفلافل للصغار وصحون معلاق طازة معلاق جدي رمسي مفروم ناعم ناعم ومزبط بالبهارات مزبوط وعلى السفرة ابريق الشاي الازرق الكبير وكاسات الجرس وحدة فيها نعنع معان مقطوع من الحوض وابريق حليب الغنم للصغار محلوب قبل شوي… ويكون الكل متجمعين على السفرة حوالي كل الحبايب كبارهم وصغارهم… ويله بسم الله…