مدونة عبد الله كريشانبحث

حجاب

عبد الله حامد كريشان
رسم تعبيري لخاطرة «حجاب»

حماره معه… دق الباب، سأله هاظا بيت الشيخ فلان؟ قاله لا، قد ما حاول يقنعه انه مش بيت الشيخ ولا هو الشيخ… وانه غلطان، لكن بدون فايدة، الرجل مصر وامتنح… طيب يا سيدي مثل ما بدك ادخل، ومع اني متأكد اني مش الشيخ فلان اللي انت بتدور عليه لكن امري لله… وانت ذنبك ع جنبك… اربط حمارك واتفضل… بعد ما تقهوى قال الله يستر عرضك يا شيخ أنا اتجوزت من كم سنه والمره ما حملت… وكل الناس دلوني عليك تكتبلي حجاب بلكي الله يرزقني اولاد وتكون انت السبب… قال يا ابن الحلال أنا لا شيخ ولا بطيخ ولا بكتب حجبه ولا شي… أنا اصلن ما بعرف اكتب… روح دور ع شيخك وفكني… ما في فايده… الزلمه ملزق… قال انت حر… دخل ع الخرابه، بتلفت، شاف عالارض بعر، اجلكم الله… اخذ بعرتين ولفهم في ورقة من على الارض، جاب ماسورة خيطان من جوا… كمل نص الماسوره وهو بربط في الحجاب… ورجع… قال امسك يا لاقي خير… سويتلك الحجاب بس تروح ع بيتك بتنقعه في كاسة مي وثاتي يوم بتشربها وبتسوي زي هيك ثلاث مرات… قال بس هيك؟ قاله بس هيك… شو بتؤمر قال روح الله يسهل عليك… طيب اقعد تغدي معنا… قال لا مستعجل… السلام عليكم… وراحت الايام… ع الحول بالزبط بعد سنه… في دق قوي وصوت عالباب. طلع لقى زلمه فرحان ومبسوط ومعه شب ماسك كبشين ومعهم مره محجبه حامله رضيع… وحمار محمل ومزمل، هجم الزلمه الفرحان عليه يبوس ويعبط فيه… الله يسعد دينك الله يوفقك، الله يطول عمرك يا شيخ هات ايدك ابوسها… شو شكلك نسيتني؟ أنا اللي جيتك العام وكتبتلي الحجاب . هيو ابني الحمد لله معانا… وهاظا اخوي اللي ماسك الكبشين… اااه… تفضلوا تفضلوا يا حيالله… قال الزلمه لمرته يله يا بنت فوتي عند الحريم خليني انزل الاغراض… جايب مو مخلي… الحمار مو قادر يمشمي من ثقل الحمل… خيرات ونعايم الله… سمن ولبن وطحين مو مخلي شي الا جايبه… والكبشين… شو هاظا يا ابن الحلال؟ ليش هيك مغلب حالك…!! لا ما في غلبه مقصرين. هاظا حلوان العيّل… الحمد لله ع طول المره حملت… ولا نسيت يا شيخ الحجاب اللي كتبتلي اياه…؟ قال لا اعوذ بالله… معقول انسى…!!! وكمل في بطنه… الحجاب ابو بعرتين…

قراءة المنشور الأصلي على فيسبوك