صفط ناشد…

- سخموط… سخموط وينك؟ تعال…- يمه أنا اسمي سخموط؟! منين بتجيبي هالاسماء؟! - اشوف انطم وتعال… تعال جيبلي الدفتر اللي بنكتب فيه حشمة النسوان.- شو هذي حشمة النسوان؟ - يا شين الدفتر اللي بنقلك فيه شو بجيبنلي النسوان لما بيجن عندي؟! نسيت لما كنت مريضة ونقلتك كل وحدة شو جابت؟! - اه تذكرت يمه… بس خليها لبعدين صحابي بستنوني بدهم ألعب معهم - ااااه ذكرتني… شو بدكوا تلعبوا؟ أنا سمعت ان في اولاد بلعبوا فنه والفنه حرام دير بالك…- لا يمه شو فنه اصلا أنا ما بعرف شو الفنه هذي - تبط عينك… اشو لد علي جاي… لد في عيوني خ ني اشوف! - يمه شو مالكي اليوم مستنفري علي؟ بدنا نلعب فطبول أو قلول أو سبع حجار… ويمكن نلعب سيارات اسلاك أو دحله… ولا هذول حرام كمان؟! - لا مو حرام… المهم فنه… وقلا قلا… وتقميش مصاري… لأ… هذا كله حرام… - شو تقميش المصاري هظا كمان؟!… والله يمه انت اليوم تقول جايه من الطور يا اما كاين عندكي نسوان من الطور… منين بتجيبي هالكلام؟!… يا غبيران تقميش المصاري يعني زي الفنه بتلعبوا وبتخسروا بعض مصاري… يعني زي القمار…- لا يمه استغفر الله العظيم… شو قمار ما قمار! الاستاذ في المدرسي فهمنا هالشغلات… يلله بدي اروح… - ما في تروح غير تجيب الدفتر وتقرالي شو جابن مشان لما بصير عند اي وحدة منهن اشي اوديلها… ترى الحشمة قرضة ودين… - ماشي هي الدفتر (ام زيد صفط ناشد… ام عبيد عشر بيضات… ام فلان بكيت سلفانة… ام علان نص نيرة… مرة فلان بكيت راحة……)
خلص يمه بدي اروح العيال بنادوا علي…- استنى يا شين بدي تجيبلي نقرشي…- لا… ادي اروح تاخرت خلي ابنكي الثاني يجيب… خاطركي